„Дер Класикер“ полно со возбудувања: Два гола на Ројс, два и на Левандовски – одлучи Алкасер! (ВИДЕО)

Денес во Бундес лигата се одигра големото дерби помеѓу Борусија Дортмунд и Баерн Минхен кое на крајот и тоа како ги оправда очекувањата.

Борусија пред натпреварот беше благ фаворит поради формата на Баерн и славеше со резултат 3:2.

Натпреварот за Баерн започна добро тие беа први кои стигнаа до предност и тоа преку Роберт Левандовски кој погоди после нафрлувањето од Гнабри.

Тој гол беше и единствениот во првото полувреме, а во второто не чекаа многу повеќе возбудувања.

После само четири минути игра во вториот дел Марко Ројс реализира најстрога казна и го изедначува резултатот. Баерн повторно преку Левандовски го врати водство во 53-тата минута.

За нов гол чекавме до 67-та минута кога Ројс со својот втор гол повторно го изедначи резултатот, а за важни три бода и голема победа над лутиот ривал погоди Пако Алкасер на петнаесетина минути пред крајот.

После оваа победа „милионерите“ имаат дури седум бодови предност во однос на Баерн кој сега е на третата позиција со 20 освоени бодови, пред нив е и Борусија Менхенгладбах. Треба да се истакне дека Борусија Дортмунд се уште е без пораз.