Официјално: Трезеге се врати во Јувентус!

Италијанскиот шампион Јувентус денес се пофали со веста дека легендарниот Давид Трезеге се враќа и ќе работи за клубот.

Легендарниот напаѓач на „бјанконерите“ потпиша 3-годишен договор со „старата дама“ и ќе ја има улогата на амбасадор.

Трезеге цели 11 сезони го носеше „црно-белиот“ дрес и влезе во историјата на Јувентус како странец со најмногу постигнати голови за клубот од Торино.

„Давид Трезеде е вистински симбол на Јувентус. Сега продолжува една историја која до сега ни донесе многу радосни мигови. Во следните три години Давид ќе го претставува клубот и ќе придонесе за развивањето на Јувентус во глобалниот пазар“, изјави претседателот Ањели.

UFFICIALE: #Trezeguet firma con la #Juve per tre anni! I dettagli https://t.co/90y5JkYqly pic.twitter.com/WCrtenPBQK

— ilbianconero (@ilbianconerocom) November 8, 2018