Од Тотенхем и ПСВ едногласни: „Вембли“ беше во катастрофална состојба

Tренерот на ПСВ, Ван Бомел ја критикуваше состојбата на „Вембли“, но и додаде дека лошиот терен не е причина за поразотна неговиот тим во Лигата на шампионите.

ПСВ во вторникот изгуби од Тотенхем со 1:2 и така остана без шанси за продолжување во нокаут фазата од Лигата на шампионите.

Осум дена претходно на „Вембли“ беше одигран НФЛ натпревар и поради тоа тревникот не беше во добра состојба.

„Теренот беше катастрофа. Беше навистина лош, но не се жалиме. Трениравме пред натпреварот и им кажав на играчите дека мораат да се навикнат на таквиот терен. Секако, сите сакаат добар терен, но и кога е таков морате да го прифатите“, изјав Ван Бомел за британските медиуми.

Исто така дефанзивецот на Тотенхем, Тоби Алдервилд го критикуваше тревникот.

„Не сакаме од тоа да направиме проблем, но теренот не беше доволно добар за да се игра фудбал“, изјави Алдервилд.