ФИФА го заштити Инфантино: Ова е обид да се „извалка“ новото раководство!

Вчерашните информации кои ги пласираа некоку еминентни медиуми меѓу кои и „Шпигел“ предизвикаа вистински земјотред во фудбалскиот свет.

Имено, се појавија тајни документи на „Football Leaks“ кои откриваат дека претседателот на ФИФА, Џани Инфантино им помагал на ПСЖ и Манчестер Сити да направат измама околу Финансискиот фер-плеј.

Денес Светската куќа на фудбалот преку официјално соопштение го заштити Инфантино и тврди дека ова е обид да се поткопа новото раководство.

„Пред четири неделе група новинари испратија стотици прашања до ФИФА. И покрај фактот што одговаравме на прашањата кои ни беа поставени, јасно и чесно, определени медиуми решија да игнорираат повеќе наши одговори со цел да се искриват фактите и да се дискредитира новото раководство на ФИФА.Основната цел на медиумите е да го поткопа новото раководство на ФИФА и да фрли сенка на претседателот Џани Инфантино“, стои меѓу другото во соопштението.

FIFA Statement: https://t.co/20fPHx4j4K

— FIFA Media (@fifamedia) November 2, 2018