Цел свет го чекаше неговиот отказ, а тој бил изненаден и не очекувал!?

Реал Мадрид вчера го отпушти Јулиен Лопетеги, а како што тврди познатиот шпански новинар тој тоа не го очекувал.

Лопетеги во Реал Мадрид дојде пред почетокот на Светското првенство и поради тоа доби отказ од селекторскто столче на Шпанија, а таквиот негов потег сега може да заклучиме дека од спортски аспект беше погрешен.

Шпанскиот стратег во Реал доби отказ после 14 натпревари, а според информации на шпанскиот новинар Хозе Морено Лопетеги бил изненаден и не му било сеедно што добил отказ.

Сега веќе поранешниот тренер на Реал верувал дека и после поразот од Барселона (5:1) ќе остане на клупата, но јасно е дека резултатите беа доволна причина за Перез да му ја покаже „излезната врата“.

Треба да се истакне дека Лопетеги е тренерот кој најбрзо заработил отказ во Реал во ерата на Флорентино Перез.