Лопетеги го штити скапа клаузула, на Реал не му се исплаќа да го отпушти

Јулен Лопетеги беше на чекор од отказ во Реал Мадрид и доколку „кралевите“ синоќа не победеа во ЛШ сигурно ќе беше отпуштен.

Сега шпанските медиуми тврдат дека клучен за неговата иднина ќе биде дуелот против Барселона, но Реал треба два пати да размисли пред да му врачи отказ.

Имено, во договорот на шпанскиот стратег има откупна клаузула, па во случај на отказ Реал ќе треба да му исплати отштета од 18 милиони евра, бидејќи Лопетеги има договор до 2021 година.

Во меѓувреме од кралскиот клуб потврдија дека местото на Лопетеги е сигурно и дека ќе остане на „Сантиаго Бернабеу“.

„Лопетеги ќе седи на клупата во „Ел Класико“. Во вакви ситуации најважно е да се остане смирен и да им се верува на играчите. Неделниот натпревар е голем мотив за нас“, изјави Бутрагењо.