„Бомба“: Перез го враќа Мурињо на „Сантиаго Бернабеу“

После серијата на лоши резултати Лопетеги е на чекор од отказ, но се уште не се знае кој би можел да биде неговиот наследник на клупата на „кралевите“.

Најпрво се шпекулираше до името на Антонио Конте, но извори блиски до „кралскиот“ клуб тврдат дека Италијанецот не е опција.

Утрово шпанските медиуми лансираа вистинска „бомба“ и тврдат дека Перез сака да го врати Жозе Мурињо на „Сантиаго Бернабеу“.

Доколку Лопетеги добие отказ после „Ел Класико“, би можел да биде наместен привремен тренер како Гути и Солари, кои само ќе му го чуваат местото на „Специјалниот“.

Мурињо исто така е во криза со Јунајтед и би можел да си замине од „Олд Трафорд“, па Перез сака да ја искористи таквата ситуација.

Тренерската смета би можела да се случи во јануари, а медиумите тврдат дека Мурињо би можел веднаш со себе да го донесе Златан Ибрахимовиќ како помош до крајот на сезоната.

Adios Lopetegui, il #RealMadrid sogna il ritorno di Mourinho: Perez ha un piano https://t.co/uLw0Bg0jNb pic.twitter.com/HpXw6rG0d7

— calciomercato.com (@cmdotcom) October 22, 2018