ГОТОВО: Тиери Анри се врати онаму каде што започна!

Тиери Анри пред повеќе од три години ја заврши својата голема кариера, а набрзо потоа заплови во тренерските води.

Успешно соработуваше со Роберто Мартинез во стручниот штаб на реперезентацијата на Белгија, но сега дојде време за негов нов самостоен тренерски ангажман.

Како и што се најавуваше во медиумите и како што потврди селекторот на Белгија, Роберто Мартинез, Анри ја напушти селекцијата и наскоро ќе потпише тригодишен договор со Монако.

Утрово Монако враќањето на Анри во клубот каде што ја започна професионалната фудбалска кариера го потврди преку друштвените мрежи.

Анри на клупата на Монако ќе го замени, Леонардо Жардим кој пред два дена беше отпуштен. Жардим Монако го превзема во 2014 година, а во 2017 година клубот од Кнежеството го одведе до титулата шампион на Франција, прва после 17 години за овој клуб.

?@ThierryHenry nommé entraîneur de l’AS Monaco

Communiqué ➡ https://t.co/yp900aiWDT#ForeverMonaco pic.twitter.com/VVNaiI1xFL

— AS Monaco ?? (@AS_Monaco) October 13, 2018