Решен е да замине: Рабио уште еднаш му кажа НЕ на ПСЖ

Ѕвездата на Пари Сент Жермен, Адриен Рабио уште еднаш ја одби понудата на „светците“ за нов договор, пренесуваат француските медиуми.

Договорот на Рабио со францускиот шампион истекува на крајот на сезоната и најверојатно ќе си замине без обештетување, бидејќи веќе трет пат одбива да го продолжи договорот.

Играчот е во сериозен конфликт со спортски директор Антеро Енрике. Покрај тоа, Рабио има високи финансиски претензии, а „светците“ не се спремни да му понудат толкава плата во моментов.

Според извештаите на француските медиуми, Рабио го одбил предлогот за плата од 7,2 милиони евра по сезона, плус дополнителни бонуси.

Тоа значи дека Рабио сигурно ќе го напушти ПСЖ на крајот на сезоната, а не е исклучена можноста да биде продаден уште во јануари.

За него силен интерес покажуваат Барселона, Манчестер Сити, Јувентус и Милан.

https://youtu.be/-I6YYh0zf5Y