Каталонците тврдат: Спектакуларно враќање на Анри во Барселона!?

Играчите на Барселона влегоа во мала црна серија, па ремито против Атлетик Билбао беше трет натпревар по ред без победа за Каталонците.

Шпанските медиуми шпекулираат дека Ернесто Валверде може да биде отпуштен ако кризата продолжи. Некои медиуми објавија дека Барса веќе е во контакт со Арсен Венгер и дека е потенцијална замена за Валверде.

Сепак, веста што ги изненади навивачите на овој клуб се појави ова утро во каталонскиот „Спорт“. Имено, „Спорт“ тврди дека Барселона на листата на потенцијални нови тренери во случај на отпуштање на Валверде исто така го има и поранешниот играч Тиери Анри.

Легендарниот Анри во моментов е помошник тренер во белгискиот репрезентативен тим, а ова лето беше многу близу до ангажман во Бордо. Сепак, тој се уште ја чека првата независна тренерска работа и сигурно евентуалното пристигнување во Барса ќе биде шок за фудбалскиот свет.