Лоши вести за Тотенхем: Деле Али во „аут“ уште еден месец!

Играчот за врска на Тотенхем, Деле Али ќе биде надвор од терените и во наредните четири недели, откако ја обнови повредата на потколеноцата, пренесуваат англиските медиуми.

Деле Али се здоби со повредата за време на репрезентативната пауза на почетокот на месецот и минатиот викенд одигра неколку минути на мечот со Брајтон.

Меѓутоа, на мечот со Ватфорд во англискиот репрезентативец ја обнови повредата, па денес му беа направени детални лекарски прегледи.

22-годишниот играч за врска ќе мора да одмора во следните четири недели, па се очекува да се врати за дербито со Манчестер Сити на крајот на октомври.