ФИФА награди: Тибо Куртоа голман на годината, Дешамп ги победи Далиќ и Зидан

Како што е познато ФИФА вечерва ги доделува наградите за најдобрите во изминатата година.

Прво беше избран голот на годината, а наградата „Пушкаш“ ја освои Мохамед Салах со неговиот слалом против Евертон.

Потоа следуваше прогласувањето на најдобриот тренер, а тоа беше човекот кој на Франција и ја донесе светската титула Дидие Дешамп.

Дешамп победи во конкуренција на Зинедин Зидан кој му ја донесе третата титула во низа на Реал Мадрид во Лигата на шампионите и Хрватот Златко Далиќ.

Откако беше прогласен тренерот на годината, ФИФА ја додели и наградата за најдобар голман која заврши во рацете на човекот кој ова лето направи трансфер од Челзи во Реал Мадрид, Тибо Куртоа.