Скандирањето кое „фрли дамка“ на навивањето на „Делиите“ (видео)

Црвена Звезда вчера направи голем успех во Лигата на шампионите освојувајќи бод против вицешампионот на Италија, Наполи.

„Делиите“ како и секогаш направија фантастична атмосфера, но едно скандирање „фрли дамка“ на нивното перфектно навивање.

Имено, во текот на вториот дел во еден момент тие испраќаа навреди кон европската куќа на фудбалот со скандирањето „УЕФА мафија, Косово е Србија“.

Причината за ваквото скандирање е признавањето на УЕФА и приемот на Косово во европското фудбалско семејство преку Фудбалската федерација на Косово.

Многу веројатно дека ваквото скандирање ќе значи и нова парична казна за Звезда од УЕФА.