Силекс после пенали го освои Купот

Силекс го освои трофејот во Купот, откако после изведување на пенали беше подобар од Академија Пандев на Арената „Тодор Проевски“.

Во регуларните 90 минути немаше голови, а немаше ни големи шанси. Силекс и Академија Пандев играа тактички и чекаа грешка на противникот, па видовме здодевно финале во Купот.

Во самиот финиш на мечот Радевски ја имаше најдобрата шанса и можеше да и донесе победа на Академија Пандев, но резултатот остана 0:0, па мечот замина во продолженија.

Слична беше сликата без многу шанси и во продолженијата, па победникот беше решен после изведување на пенали, каде Силекс беше поуспешен и дојде до трофејот.