Милан тргнува по дефанзивецот на Челзи

Раководството на Милан е во потрага по дефанзивец во зимскиот преоден рок, па откако пропаднаа преговорите со Тобидо сега ќе се насочи кон други цели.

„Скај Спорт“ пренесува дека прв избор на „росонерите“ сега е младиот стопер на Челзи, Андреас Кристенсен. Оваа сезона Данецот настапи само на осум натпревари, последниот од нив на почетокот на декември.

Милан, кој се наоѓа на 12-то место во Серија „А“, сака да го позајми Кристенсен до крајот на сезоната со опција да го откупи неговиот договор.

23-годишниот дефанзивец знае дека нема да добива голема минутажа во Челзи, па и самиот инсистира да се пресели во Милано.

Друга опција за „росонерите“ е исто така данскиот интернационалец, но од редовите на Аталанта, Симон Кјаер. Данецот е во Бергамо како позајмен играч од редовите на Севиља.

AC Milan are considering a move for Chelsea centre-back Andreas Christensen. This'll be a loan with option to buy. (Source: Sky Italia) pic.twitter.com/bjP5aXIKxy

— Transfer News Live (@DeadlineDayLive) January 8, 2020