17-годишното „чудо“ од Ливерпул го воодушеви Клоп?

Ливерпул вчера со 3:0 го победи Штутгарт во пријателски меч, а главна ѕвезда беше 17-годишниот Били Куметио.

Клоп на терен го испрати скоро најсилниот тим, но во последните 20 минути шанса му даде на тинејџерот на кого сигурно ќе смета во иднина. Благодарение на својата висина и техника, младиот Французин веднаш импресионираше на теренот.

Куметио во клубот пристигна во 2018 година, најпрво играше во средниот ред, а потоа беше преместен на позиција централен дефанзивец каде воодушеви со својата одлучност, цврстина, техника и читање на играта.

17-годишниот Французин импресионираше во својот прв настап, а навивачите сметаат дека може да биде идеален партнер со Ван Дајк во одбраната.