Гвардиола ја плаќа клаузулата за ѕвездата на Атлетико Мадрид

Пеп Гвардиола во текот на летото ќе се обиде дополнително да ја засили екипата на Манчестер Сити.

„Граѓаните“ најавија засилувања на одредени позиции, а изгледа дека најмногу фудбалери ќе пристигнат во средниот ред. Еден од оние кои би можеле да го засилат актуелниот шампион на Англија е фудбалерот на Атлетико Мадрид Родри.

Гвардиола во Шпанецот гледа идеален наследник за Фернандињо, откако му пропадна обидот да го донесе Френки де Јонг од Ајакс, кој заврши во Барселона.

Овој 22-годишен фудбалер со одличните натпревари во дресот на Атлетико Мадрид го привлече вниманието на многу европски гиганти, па Манчестер Сити е подготвен да ја плати клаузулата од 70 милиони евра која стои во неговиот договор.

Спортскиот директор на Манчестер Сити, Чики Бегиристајн во неколку наврати го гледал во живо Родри и исто така е убеден дека ќе биде идеално засилување за „граѓаните“.

Клубот веќе стапил во контакт со неговиот агент и се очекува наскоро двете страни да постигнат комплетен договор, а потоа Сити ќе ја активира откупната клаузула.

Manchester City are planning to make a move for defensive midfielder Rodri from Atlético Madrid and are prepared to meet his £60m release clause. (Source: Telegraph) pic.twitter.com/Zs0aWrxugC

— Transfer News Live (@DeadlineDayLive) May 8, 2019