Ќе биде ли Хари Кејн „Златната копачка“ на Европа?

Англискиот напаѓач Хари Кејн со Баерн може да освои трофеј само во Лигата на шампионите, но индивидуално е многу блиску до едно признание. Имено, како што стојат работите Кејн ќе биде добитникот на „Златната копачка“ на Европа.

Кејн постигна 35 гола во 31 натпревар во германскиот шампионат (со 10 асистенции) и со вкупно 70 поени (еден гол вреди два бода) води во трката за европската „Златна копачка“.

Зад Кејн на листата е Килијан Мбапе кој има 26 гола на своето конто, а до крајот на француската „Лига 1“ има само еден меч повеќе од Англичанецот. Со оглед на тоа дека и Баерн и ПСЖ ги очекуваат полуфиналните дуели со Реал или Борусија Дортмунд, двајцата веројатно не ни размислуваат за трофејот за најдобар стрелец во Европа.

На листата подоле Серу Гираси, напаѓачот на Штутгарт, Луи Опенда, фудбалерот на РБ Лајпциг, Лаутаро Мартинез (Интер) и Ерлинг Халанд (Манчестер сити) ќе имаат мотив да се обидат да му се заканат на Мбапе за втората позиција.

НАЈДОБРИ СТРЕЛЦИ ВО ЕВРОПА

1. Хари Кејн (Баерн) 70 поени (35 голови)
2. Килијан Мбапе (ПСЖ) 52 (26)
3. Серу Гираси (Штутгарт) 50 (25)
4. Луи Опенда (РБ Лајпциг) 48 (24)
5. Лаутаро Мартинез (Интер) 46 (23)
6. Ерлинг Халанд (Манчестер Сити) 42 (21)
7. Лук Де Јонг (ПСВ) 40,5 (27)
8. Вангелис Павлидис (АЗ) 40,5 (27)
9. Кол Палмер (Челси) 40 (20)
10.Виктор Ѓекереш (Спортинг) 39 (26)