Љоренте: Вечерва против Ливерпул барам освета

Шпанскиот напаѓач Фернандо Љоренте неодамна потпиша за Наполи, каде пристигна како слободен играч.

Љоренте неколку сезони играше за Тотенхем, но на крајот од претходната го напушти лондонскиот тим откако му истече договорот. Искусниот шпански напаѓач имаше неколку понуди, но на крајот се одлучи за Наполи.

Шпанецот во дресот на новиот клуб вечерва би требало да дебитира во ЛШ и тоа против Ливерпул. Љоренте пред овој натпревар порача дека сака да се освети за поразот во финалето во ЛШ минатата сезона кога Ливерпул беше подобар од Тотенхем.

„Анчелоти го познава нашиот противник и добро ги анализиравме. Мораме да одиграме совршен натпревар и да ги намалиме грешките на минимум ако сакаме да победиме. Ливерпул е силен и квалитетен тим, затоа со причина се европски прваци.“ – изјави Љоренте и додаде:

„Би сакал вечерва да постигнам погодок бидејќи барам освета поради поразот во финалето кога играв за Тотенхем. Навивачите ме пречекаа на неверојатен начин и сакам со голови да им се одолжам за тоа.“