Јунајтед зеде кредит од 140 милиони, ќе го троши за трансфери

Раководстворо на Манчестер Јунајтед денес зеде кредит од 140 милиони фунти, откриваат англиските медиуми.

Објаснувањето од клубот е дека парите ќе бидат користени за справување со кризата предизвиката од пандемијата. Меѓутоа, медиумите тврдат дека најверојатно таа сума ќе биде искористена за летни засилувања.

Пред една недела клубот, кој е еден од најбогатите во светот, објави дека за време на кризата долгото на Јунајтед пораснал за 42%. И покрај тоа клубот од „Олд Трафорд“ не се откажува од намерата да биде активен на трансфер пазарот.

Солскјер сака најмалку две големи засилувања ова лето, а најголеми желби се Џејдон Санчо и Џек Грилиш. „Црвените ѓаволи“ ќе се обидат да ги комплетираат двата трансфери и покрај кризата во сите клубови.

Поради лошите услови на трансфер пазарот Јунајтед не е сигурен дека ќе ја добие бараната сума за продажба на Погба, па голема е веројатноста Французинот да остане.

Поради тоа од клубот се решија летните трансфери да бидат финансирани преку кредитна линија.