Јунаците на мака се познаваат: Играчите нема да дозволат да се брука името Вардар!

Вчера како бомба од Анталија одекна веста дека Сергеј Самсоненко им порачал да играчите дека крева раце од Вардар и дека се слободни да си бараат нови клубови.

Денес за прв пат јавно се огласија фудбалерите на Вардар, а во име на сите со Фејсбук статус кратко објасни како стојат работите голманот Филип Гачевски.

„Ние играчите на ФК Вардар соочени со проблемите, донесовме одлука да ги одиграме последните два припремни натпревари, не дозволувајќи да се брука името на Вардар, надевајќи се на позитивно решение за нашата иднина. Ова е официјално соопштение на сите играчи и стручен штаб на Вардар“, стои во статусот на Гачевски.