Јувентус ќе му се одмазди на Милан за Бонучи: Одличниот играч на „Росонерите“ се сели во Торино?

Минатогодишниот трансфер на Леонардо Бонучи од Јувентус во Милан ги изненади апсолутно сите љубители на фудбалот.

Никој не очекуваше дека еден од најдобрите дефанзивци на Европа ќе го напушти Јувентус и ќе потпише за големиот ривал, но тоа на крајот се случи. Меѓутоа, Јувентус има план да се одмазди и да им го врати ударот на „Росонерите“ и тоа уште ова лето. „Старата дама“ фрли око на играчот за врска на Милан, Џакомо Бонавентура и ќе се обиде да го доведе во своите редови.

Станува збор за играч кој може да игра на повеќе позиции во средниот ред. Тренерот на Јувентус, Макс Алегри би сакал да го види во своите редови и им наредил на управата на клубот да го доведе во летниот трансфер период. Така, тимот од Торино би им се осветил на Милан за Леонардо Бонучи. Бонавентура е важен дел на екипата од „Сан Сиро“ и неговото заминување секако би се почуствувало во екипата на Милан.

Бонавентура е член на Милан од 2014. година. Пристигна од Аталанта за седум милиони евра, а оваа сезона во 30 настапи постигна шест гола. Милан за неговите услуги би можел да заработи 30 милиони евра.