„Јувентус ја призна грешката со Алегри, со Пјаниќ и Локатели мораат до Скудетото“

Интер минатата сезона ја прекина доминацијата на Јувентус во италијанската Серија А.

„Нероаѕурите“ одиграа одлична сезона и успеаа да дојдат до Скудетото, Јувентус едвај успеа да се пласира и во Лигата на шампионите.

Веднаш по таквата сезона во Торино следуваа промени. Андреа Пирло си замина од клупата, а се врати Масимилијано Алегри. Сега се најавуваат промени во средниот ред. На големо веќе се најавува дека Миралем Пјаниќ ќе биде вратен, а нов играч на „старата дама“ би требало да стане и Локатели.

„Јувентус ја призна грешката со Алегри што го отпушти пред две години. Алегри сега се врати под свои услови. Со Пјаниќ и Локатели тие едноставно би морале да ја освојат титулата“, изјави поранешниот судија Џанлука Папареста.

Исто мислење има и поранешниот менаџер на Парма, Антонело Приети.

„Алегри добро го познава Пјаниќ, работеше со него пред две сезони. Со Пјаниќ и Локатели сигурно ќе бидат главни кандидати за титулата“, истакна Приети.

Според најавите со Пјаниќ и Локатели се би требало да се реши во наредните денови.