Јувентус ја избрал идеалната замена за Алегри

Масимилијано Алегри нема сигурна работа во Јувентус и следната сезона.

Италијанските медиуми денеска повторно пишуваат за кризата во Јувентус, по четири натпревари без победа.

Јувентус последен пат славеше на 25 февруари против Фросиноне, оттогаш освои само два бода во ремито со Аталанта и Џенова, а Алегри сега повторно e мета на критики.

Во Јувентус се убедени дека Тијаго Мота е идеална замена доколку Алегри, негова смена посакуваат и најголем дел од навивачите. На табелата Јувентус е трет со два бода повеќе токму од Болоња на Тијаго Мота, Рома е петта со седум бода заостанување зад „старата дама“.

Мота сезонава покажа дека е подготвен за големи работи, но ако Болоња обезбеди пласман во Лигата на шампионите, прашање е дали ќе сака да го напушти клубот.

Медиумите од Италија тврдат дека доколку Рома го стигне Јувентус, Алегри нема да остане на клупата, но не е исклучена можноста и со пласман во Лигата на шампионите Алегри да добие отказ бидејќи очекувањата од оваа сезона беа поголеми.