Јувентус сака да го „украде“ талентот на Милан

Италијанскиот шампион Јувентус е силно заинтересиран за младиот талент на Милан, Мануел Локатели, пренесуваат италијанските медиуми.

19-годишниот играч за врска на „росонерите“ блесна минатата сезона, дури и со својот гол го реши дербито со Јувентус, но оваа сезона добива мала минутажа.

Несомнено дека станува збор за еден од најголемите таленити на Апенините, па „бјанконерите“ сакаат да ја искористат лошата ситуација во Милан и да го донесат во Торино.

Милан и Јувентус имаат добри односи, како што покажуваат трансферите на Лео Бонучи и Матија де Шиљо ова лето, па „старата дама“ веќе спремила понуда за Локатели.

Сепак, „росонерите“ тешко дека ќе се согласат да се разделат со младиот фудбалер за кого сметаат дека е иднина на клубот.