Јувентус одлучи: Пјаниќ може да си оди, замената е веќе пронајдена!

Раководството на италијанскиот шампион Јувентус донесе изненадувачка одлука и е спремно да го продаде Миралем Пјаниќ.

Италијанските медиуми пренесуваат дека Пјаниќ добил слобода да донесе одлука на крајот на сезоната и доколку сака да замине, „бјанконерите“ нема да му стојат на патот.

Наводно „старата дама“ веќе нашла замена за Босанецот, а тоа е Арон Рамзи од Арсенал. Јувентус е во поодминати преговори со неговиот агент и е на добар пат да го обезбеди потпист на Велшанецот без обештетување.

Тоа ќе му овозможи на Јувентус да му ја отвори излезната врата на Пјаниќ и добро да заработи од неговиот трансфер.