Јувентус не се откажува од Халанд

Еминентниот германски весник „Билд“ лансираше вистинска „бомба“ и тврди дека Ерлинг Халанд би можел да ја напушти Борусија Дортмунд порано од очекуваното.

Ерлинг Халанд оваа сезона ја воодушеви фудбалска Европа и неговио трансфер во Борусија Дортмунд се покажа како вистински погодок за „милионерите“.

Халанд на само девет натпревари за Дортмунд постигна 12 гола, па уште сега се шпекулира дека нема долго време да остане во тој клуб.

„Билд“ тврди дека Јувентус не се откажал од доведување на Норвежанецот, па веќе работи на неговиот трансфер и ќе се обиде да го донесе во Торино уште ова лето.

Голема улога во реализација на трансферот ќе одигра неговиот менаџер Мино Раиола, кој во договорот на Халанд ставил откупна клаузула од 75 милиони евра, сума која Јувентус е спремен да ја плати.

Сепак, „старата дама“ ќе треба да ја победи големата конкуренција, бидејќи за Халанд силен интерес покажуваат Реал Мадрид и клубовите од Премиер лигата.