Јувентус не може да си го дозволи Погба

Јувентус тешко ќе може да си го дозволи Пол Погба, смета експертот за трансфери Џанлука ди Марцио.

Во последно време се погласни се шпекулациите дека Французинот ќе го напушти „Олд Трафорд“, а и самиот призна дека поминува низ тежок период во Јунајтед.

Реал Мадрид и Јувентус покажуваат најсилен интерес, но Ди Марцио тврди дека „старата дама“ тешко ќе може да си го дозволи Французинот.

„Погба има потенцијал да го промени целиот тим. Средниот ред на Јувентус има потреба од играч како него. Верувам дека Погба би бил идеално засилување, но не сум сигурен дека Јувентус може да си го дозволи поради финансиските потешкотии кои ги има“, изјави Ди Марцио.