Јувентус на искушение: Баерн спреми богата понуда за Киеза

Баерн Минхен е силно заинтересиран за ѕвездата на Јувентус и италијански репрезентативец Федерико Киеза.

Киеза беше еден од најдобрите поединци на ЕУРО, па Нагелсман сака по секоја цена да го доведе на „Алијанц Арена“.

На Баварците нема да им биде лесно да го доведат во своите редови бидејќи Јувентус пред една година за 22-годишниот крилен фудбалер плати 50 милиони евра.

Нагелсман е голем симпатизер на Киеза и не крие дека сака да го има во својот тим, па Баерн е спремен да понуди 70 милиони евра за Италијанецот.

Јувентус има финансиски проблеми и ќе биде на искушение со ваква понуда, но сепак мали се шансите да ја прифати.