Јувентус и официјално го „отпиша“ капитенот

Јувентус и официјално потврди дека не смета на капитенот Леонардо Бонучи.

36-годишниот италијански одбранбен фудбалер не се најде на списокот играчи на кои тренерот Алегри ќе смета за новата сезона.

Бонучи во минатата сезона се мачеше со повреди и одигра 26 натпревари во кои собра 1.517 минути. Се уште не е познато дали Јувентус во овој момент има договорено трансфер на Бонучи.

Договорот на Бонучи со „старата дама“ истекува следното лето, а во овој момент е капитен на Италија со која во 2021 година го освои Европското првенство.

Во Јувентус пристигна во 2010. година од Бари за 15.5 милиони евра и набрзо прерасна во еден од најдобрите дефанзивци во Европа.

Имаше Бонучи кратка епизода во Милан во сезоната 2017/2018, но потоа се врати во Торино.