Јувентус – Интер: Битка за првото место во Серија А, анализа и предлог тип

Серија А конечно почна да го враќа стариот сјај. Лигата сезонава е најсилна во последните неколку години и тоа веднаш донесе неизвесност. Токму неизвесноста фалеше во предходните неколку сезони кога Јувентус лесно освојуваше титули. Викендов играат токму Јувентус и Интер, бранителот на трофејот и моментално лидерот во Серија А.

Интер го користи заморот на конкурентите, а проблемот на Јуве е посилната лига сезонава

Интер моментално ја презеде контролата над Серија А и е лидер на табелата прв пат после неколку сезони. Во сабота гостуваат во Торино кај Јувентус, знаејќи дека ако го совладаат Јуве ќе направат огромен исчекор кон титулата. Сегашната приказна во Серија А е следната. Интер е среќен што игра само на еден фронт. Милан е силен но нема квалитетен тренер и нема вистински голгетер. Наполи игра неверојатно добро, но на два фронта исто како и Рома која без Спалети не е истиот тим од лани. Јуве пак е добар, но нивниот проблем сезонава е што Серија А конечно е силна.

Јуве спремен за одбрана на титулата, но дали Интер е спремен за Скудето ?

Минатата недела во анализата за дербито Наполи – Јувентус, бевме сомничави околу шансите за победа на Јуве, но екипата од Торино славеше со 0:1. Шампионите беа извонредни и не натераа да помислиме дека Наполи нема доволно силен состав за да ја освои титулата. Тому победата на Јуве го искачија на врвот Интер, кој славеше победа над Киево со 5:0. Сега размислувањата се дали Интер е спремен за Скудето ? Од друга страна, Јуве секако дека е спремен за повторно да ја одбрани тутулата. Сепак, после овој меч нештата во Серија А ќе бидат многу појасни.

Спалети е клочот на успехот на Интер

Интер импресионираше досега во Серија А. Екипата е единствена непоразена оваа сезона во Италија и има 12 победи и само три нерешени резултати. Спалети се чини дека е најголемото засилување за Интер, бидејќи тој ги подобри перфомансите на екипата уште во текот на подготвителниот период, а досега во Серија А само го потври големиот напредок на екипата која не е споредлива со оној Интер од предходните 3 сезони. Единствен проблем за Интер оваа сезона може да биде тоа што тимот останува премногу зависен од Мауро Икарди, но со потпишувањето на Борја Валеро и Матијас Векино барем ја зацврстија стабилноста во средниот ред. Токму средината на Интер е најдобриот дел од тимот сезонава, а силната конкуренција му дозволува на Спалети речиси на секој меч да приредува изненадувања за противникот.

Икарди или Игуаин, Перишиќ или Дибала

Ова ќе и дуел меѓу едни од најдобрите напаѓачи во Серија А, Гонзало Игуаин и Мауро Икарди. Двајцата аргентинци имаат одлична сезона, но Икарди е прв стрелец досега со 16 гола. Игуаин пак досега постигна 9 гола за Јуве. Иван Перишиќ пак исто така е фудбалер кој може да го реши дербито. Тој игра во извонредна форма во моментов. Од друга страна тука е Дибала. Тој играше неверојатно добро на стартот на сезоната. Аргентинецот на првите 10 меча постигна 10 гола, но потоа се загуби на теренот. Не дека игра лошо, напротив повторно е еден од најдобрите во тимот, сите акции одат преку него, но не постигнува голови. На пследните 14 меча Дибала постигна само два гола.

Остатокот прочитајте го на kladenje.mk