Јувентус го претстави најновото засилување!

Рикардо Орсолини важи за еден од најголемите таленти на Апенините, па за неговиот потпис беа заинтересирани готово сите големи италијански клубови.

За 19-годишниот фудбалер на Асколи се водеше голема битка која на крајот ја доби Јувентус и го обезбеди неговиот потпис за трансфер вреден 10 милиони евра.

Орсолини потпиша договор со Јувентус до 30 јуни 2021 година и беше промовиран од „старата дама“, но сепак ќе остане до крајот на сезоната во Асколи како позајмен играч.

Се работи за младински репрезентативец на Италија кого го краси извонредна техника и брзина.