Јувентус го потврди интересот: Вистина е, го сакаме!

Потпретседателот на Јувентус, Павел Недвед и официјално го потврди интересот на „старата дама“ за напаѓачот на Сампдорија Патрик Шик.

Младиот чешки репрезентативец игра одлична сезона во Серија А и го привлече вниманието на многу големи клубови, а во договорот со Сампдорија има откупна клаузула од 25 милиони евра.

„Можам да потврдам дека се интересираме за Шик и ќе продолжиме да се интересираме. Се зависи од тоа што ќе го одлучат играчот и неговиот агент. Шик е одличен напаѓач кој знае многу добро да се позиционира на теренот притоа може да игра на неколку позиции“, истакна Недвед.

„Патик има исклучителна техника, брз е и физички силен. Има се што е потребно за да стане врен напаѓач, иднината е пред него“, додаде Недвед.

Шик има 21 години и оваа сезона постигна 11 гола во Серија А, а покрај Јувентус силен интерес за него покажува и милански Интер.