„Јовиќ е дрво, не може да постигне гол“

Шпанскиот новинар од „Диарио Спорт“, Алехандро Алкасар испрати критики на адреса на српскиот напаѓач Лука Јовиќ поради неговите лоши настапи во дресот на Реал Мадрид.

На 15 натпревари за Реал Мадрид, Јовиќ постигна само еден гол и тоа секако е далеку од очекувањата кои ги имаа сите во Мадрид при неговото пристигнување.

Критиките до Јовиќ дојдоа после неговиот настап против Елче, натпревар во кој Реал во финишот се спасуваше од пораз.

„Во Реал има неколку фудбалери од кои се очекуваше повеќе, но од сите најмногу ме лути Јовиќ. Тој е трета сезона во клубот и во овој момент е „дрво“, не може да постигне гол“, порача Алкасар.