Јовиќ во јануари се сели во Серија А

Напаѓачот на Реал Мадрид, Лука Јовиќ во јануари може да се пресели во Серија А, тврди шпанскиот весник „АС“.

Јовиќ е во втор план во Реал Мадрид и е спремен да ја промени средината во потрага по поголема минутажа, а два италијански гиганти покажуваат сериозен интерес.

Првата опција е Јувентус, кој сака да ја засили конкуренцијата во нападот после заминувањето на Кристиано Роналдо.

Втората опација е Интер кој сака да се ослободи од Алексис Санчез и е во потрага по алтернатива за ветеранот Џеко.

Двата италијански гиганти го сакаат 23-годишниот Србин на позајмица со право на откуп следното лето.