Јаја Туре одиграл голема улога во трансферот на Кеси во Барселона

Барселона денес го претстави Франк Кеси.

Кеси одлучи да го напушти Милан откако му истече договорот на крајот на сезоната и ја прифати понудата од Брселона. Веќе од пред неколку недели е познато дека Кеси се договорил со Барселона, а денес Барселона и официјално го потврди трансферот.

„Мундо Депортиво“ откри и како Кеси завршил во Барселона. Туре во интервју за споменатот шпански медиум потврди дека разговарал со Кеси.

„Вистина е дека го побарав додека преговараше со Барселона. Бевме во контакт додека траеа преговорите и знаев дека Барселона сака да го доведе. Сакаше да знае се за Барселона. Милан му понуди договор кој е исто така голем клуб, но кога дојде понудата од Брселона беше баш во дилема. Јас му кажав дека ако заминува од Милан, Барселона му е најдобра опциј“, изјави Туре.