Ѕвездата на Рома на чекор од трансфер во Јувентус

Актуелниот шампион на Италија, Јувентус на лето повторно ќе пазарува од Рома, и тоа по добро познат рецепт.

„Бјанконерите“ пред три години ја активираа откупната клаузула за Мирален Пјаниќ и го донесоа во Торино, а сега сакаат истото да го направат со Костас Манолас.

27-годишниот грчки репрезентативец е на мета на неколку европски гиганти, но наводно преферира да остане во Италија и е спремен да му каже ДА на Јувентус.

„Старата дама“ на лето ќе прави реконструкција и подмладување на одбраната. Де Лихт е блиску до трансфер во Барселона, Варан е скоро „невозможна мисија“, па ќе се насочи кон Манолас.

Јувентус е спремен да ја активира откупната клаузула во договорот на Манолас која изнесува 36 милиони евра, па останува уште да ги договорат личните услови со дефанзивецот.

Тоа не би требало да биде проблем, со оглед на фактот што менаџер на Манолас е Мино Раиола, кој има одлични односи со раководството на „старата дама“.

Италијанските медиуми пренесуваат дека токму Раиола бил иницијатор за трансферот и го понудил својот клиент на „бјанконерите“, кои нема да имаат проблем да ја платат откупната клаузула.

Breakthrough for Kostas Manolas – Juventus are prepared to pay the €36m release clause. Manolas' new agent? Mino Raiola. Some Rome journalists already speak of an agreement between the player & Juve, set for a contract of at least 4 years. [Sport Mediaset] pic.twitter.com/Sw1M576xc1

— Juvefc.com (@juvefcdotcom) April 23, 2019