Ѕвездата на Интер на пат за Кина

Италијанските медиуми пренесуваат дека Евер Банега може да биде следната ѕвезда која ќе замине во Кина, откако на адреса на Аргентинецит пристигнала примамлива понуда.

Имено, транасфер пазарот во Кина е отворен до крајот на месецот па се обидуваат да привлечат уште некоја ѕвезда до затварање на истиот.

Според пишувањата на шпанските и италијанските медиуми, 28-годишниот за врска од Интер, Евер Банега, во наредните денови ќе тргне на пат кон Кина.

Веста ја објави „Естадио Депортиво”, односно локален спортски дневник во Севиља, кој има одлични извори кога е во прашање Банега кој до минатото лето играше токму во тимот од Севиља.

Наводно, Интер веќе прифатил понуда од 25 милиони евра од амбициозниот Тианжин, кој сега треба да се договори со играчот. Сепак, медиумите тврдат дека тоа нема да биде тешко бидејќи му нудат годишна плата од 8 милиони евра која со бонуси може да достигне до 10 милиони.