Ѓоко Хаџиевски експресно го заврши вториот мандат во Хата

Еден од најпознатите македонски тренери Ѓоко Хаџиевски повеќе не е тренер на тимот на Хата од Обединетите Арапски Емирати.

Иако Хаџиевски пред два дена успеа да слави против тимот на Гулф Херои сепак се раздели со тимот. Засега деталите за заминувањето на Хаџиевски од Хата не се објавени.

За поранешниот селектор на Македонија ова беше втор мандат во Хата каде што се врати летово во јули меѓутоа се задржа само три месеци.