Ѓоковиќ покажа сила против Пуј за тениска класика во финалето на Австралија Опен

Новак Ѓоковиќ не му дозволи никаква шанса на Лукас Пуј и само со четири загубени гејма се пласираше во финалето на Австралија Опен каде што ќе игра против Рафаел Надал.

Натпреварот помеѓу Ѓоковиќ и Пуј не изгледаше на полуфинале поради доминацијата на српскиот тенисер.

Ѓоковиќ првиот сет го доби со 6:0, а следните два ги доби со по 6:2. Мечот траеше само со еден час и 25 минути.

Во финалето на Грен слем ќе гледаме вистинска тениска класика Ѓоковиќ – Надал.

Ќе потсетиме, Шпанецот пласманот во финалето го обезбеди вчера кога го победи Стефано Циципас.