Штербик негира дека заминува во пензија!

Легендарниот ракометен голман, Арпад Штербик, ги негираше информациите дека решил да стави крај на кариерата.

Штербик кој е еден од најдобрите голмани во историјата на ракометот, нема намера да ја завршува својата величенствена кариера.

„Не знам од каде информацијата, бидејќи на никого не сум му кажал дека ќе се пензионирам, а и не можам да кажам, бидејќи уште не сум одлучил такво нешто. Ако зависеше од мене, никогаш не би отишол во пензија, но еден ден ќе мора и тоа да се случи. Ќе останам во Веспрем додека ме служи здравјето, и додека клубот има потреба од мене“, изјави Штербик.

Штербик има освоено четири титули во Лигата на шампиони, од кои една со тимот а Вардар. Со шпанската репрезентација има освено европско и светско злато.