Шпанците тврдат: Реал Мадрид летово ќе купи само уште еден играч

Карим Бензема го напушти Реал Мадрид и следната сезона ќе игра во Саудиска Арабија, па така шпанскиот гигант летово ќе мора да доведе негова замена.

Се најавуваше дека тоа може да биде Килијан Мбапе, но како што стојат работите Французинот ова лето нема да го напушти Париз. Во игра беше и Хари Кејн, меѓутоа засега нема нешто посериозно кога е англискиот репрезентативец во прашање.

Реал го осввежи тимот со доведувањето на Џуд Белингам и враќањето на Фран Гарсија од Рајо Ваљекано и Брахим Диаз од Милан. Иако навивачите очекуваа пристигнување на големи ѕвезди, сепак тоа изгледа нема да се случи.

Од претходно е познато дека Реал е блиску до договор со напаѓачот на Еспањеол Хоселу Мато, фудбалер кој има 33 години и трансферот изгледа навистина изненадувачки. Хоселу беше член на Реал од 2009 до 2012 година и во најголем дел настапуваше за „Б“ тимот.

Она што нема да им се допадне на навивачите е што барем според сегашните Реал Мадрид летово нема да доведе друг играч. Причината веројатно е што Мбапе наредната година ќе биде слободен во изборот на новата средина, па затоа Хоселу е само привремено решение.