Килијан Мбапе треба да стане играч на Реал на лето. Како што пренесуваат сите релевантни светски медиуми и новинари, 25-годишниот Мбапе се договорил со Кралскиот клуб и наводно веќе го потпишал договорот. Деталите за зделката ги објави Фабрицио Романо, италијански новинар специјализиран за фудбалски трансфери.
Според информациите на Романо, Французинот во Реал би требало да заработува околу 20 милиони евра по сезона. Исто толку имаат и актуелните најголеми ѕвезди на Реал, а тоа се Џуд Белингем и Винисиус Жуниор. Се уште не е познато на колку време ќе го потпише договорот, но во Реал ќе пристигне како слободен играч.
Александар Вучковски - сомелиер: Како македонските вина го освојуваат светот? ↓↓↓
Имено, тој има клаузула според која може да си замине од ПСЖ ова лето без обештетување. Мбапе ќе добие бонус за потпис од Реал, кој ќе изнесува меѓу 100 и 150 милиони евра. Оваа сума клубот ќе му ја исплати на рати во следните пет години.
Шпанскиот ОК Диарио вчера објави дека Реал не е единствениот клуб кој се обидел да го доведе Мбапе. Кралевите работеа многу долго и интензивно на оваа работа, но еден клуб во последен момент се обиде да се вклучи во приказната и да го украде Мбапе. Станува збор за Манчестер Јунајтед кој, како што пишуваат Шпанците, на иницијатива на косопственикот Џим Ретклиф, му предложил на Мбапе понуда тешка 700 милиони евра.
Милијардерот сакаше Јунајтед да му понуди на 25-годишниот напаѓач петгодишен договор со плата од 100 милиони евра годишно, а тој да добие бонус за потпис од 200 милиони евра, што значи дека ќе заработи 700 милиони евра за време на петгодишен договор. Сепак, Мбапе ја одби она што Шпанците ја нарекуваат најголемата понуда во историјата на фудбалот.
Учество во игри на среќа е дозволено за лица со 18+ години. Играј одговорно!