Шок за Симеоне: Тешка повреда на најскапиот играч на Атлетико!

Атлетико Мадрид потврди дека Жоао Феликс на денешниот тренинг заработил тешка повреда.

Шпанските медиуми пренесуваат дека станува збор за повреда на вкрстените лигаменти на левото колено и ми претстои долга пауза.

Феликс ќе оди на детални прегледи, а во клубот се надеваа дека има само растегнување на вкрстените лигаменти, а не и кинење на лигаментите.

Жоао Феликс пристигна ова лето во Атлетико од Бенфика за 120 милиони евра и стана најскапото засилување во историјата на мадридскиот клуб.

Сепак, младиот Португалец во својата прва сезона не успеа да ги оправда очекувањата, па беше мета на критики.