Дома Фудбал Шок во Торино: Кулибали во 90. минута го сруши Јувентус
Фудбал Видео

Шок во Торино: Кулибали во 90. минута го сруши Јувентус

Од V. M.
Објавено на 23:01, 22 април

Големото дерби на 34. коло во Серија А вечерва во Торино го одиграа Јувентус и Наполи, а на крајот гостите славеа победа од 1:0 со голот на Кулибали.

Борбата за Скудето помеѓу овие екипи дополнително ја зголеми важноста на овој дуел, затоа не гледавме добар фудбал во вечерашниот натпревар.

Започна доста жестоко на двете страни. Нервозата донесе дури четири картони во првите 30 минути игра, а првата шанса на натпреварот не ја искористи Јувентус. Миралем Пјаниќ во 17 минута шутираше од слободен, но топката ја погоди само стативата.

Седум минути подоцна возврати Наполи. Марек Хамшик имаше одлична ситуација пред Буфон, но топката заврши покрај голот.

До крајот на првото полувреме беше видена голема борба, но без посериозни шанси и на одмор се замина без голови.

Ниту во продолжение не видовме нешто посебно, но сепак беше постигнат еден погодок во мрежата на домашниот тим.

Наполи беше тимот кој изгледаше за нијанса подобар и беа опасни по вечерва несигурната одбрана на Старата дама, а подобрата игра ја крунисаа во 90. минута. После изведен корнер Кулибали погодува за победа на Наполи и доближување зад Јувентус на само еден бод разлика на четири кола до крајот.

Коментари
Прочитајте поврзани статии
Load More In Фудбал

Проверете

Емери го посакува Гави, но Барселона не сака да слушне за продажба

Астон Вила ја разгледува можноста да го доведе Гави, но неговиот договор до 2030 година и …