Шкендија го продаде големиот талент Елези во Грузија

Еден од најталентираните македонски фудбалери Дашмир Елези ја напушти Шкендија и кариерата ќе ја продолжи во грузискиот Торпедо Кутаиси.

Шкендија во соопштението со кое се потврдува трансферот на Елези се истакнува дека клубот го прифатил неговото и барањето на семејството тој да замине надвор од границите на Македонија.

„Шкендија изразува максимална благодарност за целиот придонес на Елези во црвено-црниот дрес, посакувајќи му многу успех во неговиот професионален пат во меѓународниот фудбал“, велат од Шкендија.

Елези во дресот на Шкендија дебитираше со 16 години и се впиша во историјата на македонскиот фудбал како еден од најмладите играчи што успеал да се запише во листата на стрелците.