Ширер и Анри станаа дел од „Куќата на славните“ во Премиер лигата

Двајцата поранешни напаѓачи Алан Ширер и Тиери Анри се првите играчи примени во Куќата на славните на Премиер лигата.

Ширер таа чест ја заслужи како најдобар стрелец во Премиер лигата на сите времиња со 260 постигнати голови за Блекбурн со кој ја освои титулата, како и со Њукасл.

„Кога ќе погледнете кои се неверојатни играчи настапуваа во Премиер лигата од недела во недела и од сезоната се чувствувам, почестено поради влегувањето во Куќата на славните. Им се заблагодарувам на играчите со кои играв и сите менаџери кои ме водеа“, изјави Ширер.

Анри четири пати беше најдобар стрелец во една сезона во Премиер лигата и водечки голгетер на сите времиња во Арсенал со 175 голови во 258 настапи. Со овој клуб два пати беше англиски шампион сезоните 2001/2002 и 2003/2004.

„И повеќе од посебно е да бидете еден од првите двајца во Куќата на славните и тоа со Алан Ширер. Кога бев млад се трудев да дојдам до копачки, а сега зборуваме за Куќата на славните“, изјави Анри.