Чудото од дете на Ајакс се сели во Барселона

Барселона одлично ја отвори сезоната, но тренерот Валверде веќе размислува за нови засилувања и сака да ја засили дефанзивната линија.

Иако Барселона оваа сезона е без пораз и прима малку голови, сепак Валверде смета дека мора да биде донесена замена за Жерар Пике кој е целосно надвор од форма.

Каталонските медиуми пренесуваат дека главна трансфер цел на Барса е младиот дефанзивец на Ајакс, Матијас де Лигт.

Сранува збор за млад фудбалер кој е огромен потенцијал и со 18 години веќе запиша два настапи за холандската репрезентација. Притоа е стандарден член на Ајакс и со своите партии го привлече вниманието на многу европски гиганти.

Барселона спрема понуда и сака да го донесе на „Камп Ноу“ уште во јануари, а покрај Холанѓанецот сигурно ќе пристигне и 22-годишниот Јери Мина од Палмеирас.