Чудно: ПСЖ губи само кога на теренот заедно се Меси, Нејмар и Мбапе

Францускиот гигант ПСЖ сезонава сака успех како во домашното првенство така и во Европа, главната цел на тимот е освојување на Лигата на шампионите.

На последниот натпревар во Лигата на шампионите ПСЖ забележа победа против Реал Мадрид, но веќе во викендот кој е зад нас беа поразени од Нант во домашното првенство со 1:3. Тоа за ПСЖ сезонава беше трет пораз, претходно загубија од Манчестер Сити и Рен.

Интересно е што во тие три дуели кои ги загуби ПСЖ во стартниот тим играше триото кое се најавуваше како страв трепет Нејмар – Мбапе – Меси.

Нејмар претходно беше повреден од 28. ноември до 20. февруари и во тој период ПСЖ немаше пораз во ниту едно натпреварување. Во 2022 година имаа примено само два гола, а по враќањето на Бразилецот примија три за 45 минути.

Останува да видиме како во наредниот период ќе игра ударното трио на клубот од Париз.