Челзи спреми понуда за Интер и Лукаку која не се одбива

Актуелниот европски шампион Челзи има голем буџет за доведување на врвен напаѓач ова лето.

Прва желба е Ерлинг Халанд, но Норвежанецот е премногу скап, па Челзи сега ќе се сврти кон Ромелу Лукаку.

Понудата на Челзи е 130 милиони евра, плус Интер ќе може да си одбере еден фудбалер од Емерсон Палмери, Запакоста или Маркос Алонсо. Интер не сака да го продава Лукаку, но има финансиски проблеми и едноставно оваа понуда не може да ја одбие.

Лукаку првично одбива да се врати на „Стенфорд Бриџ“, но „сините“ му понудиле годишна плата од 12,5 милиони евра, што е за цели 5 милиони евра повеќе од актуелната плата.

Италијанските медиуми пишуваат дека Интер ќе се насочи кон Запата од Аталанта доколку Лукаку се пресели во Челзи.